Trátase dun cadradiño da serie que realizou Gelo do Moure nos oitenta para Olláparo. Esta viñeta de 1986 adicada ao seu fillo Miguel, saiu no número 6 e recréase en “Manolito” (Manuel Goreiro), a personaxe galega de Quino que quere chegar a ser un Rockefeller (hoxe diriamos un cidadán Amancio Ortega), un dos fundamentais do grupo de Mafalda. A mirada de Gelo escacha co estereotipo negativo de Manolito, que aquí pasa a ser Migueliño, un neno galego espelido e sincero. A tira proponos unha lectura da realidade social e política que, para ben ou para mal, non perdeu actualidade. A inxenua elocuencia de Migueliño descúbrenos o mundo, o noso, non si?
