Na espera de que os compañeiros da Asociación Memoria Histórica Democrática de Ferrol nos manden o seu traballo da represión franquista en Cedeira, aproveitamos para publicar a denuncia de xaneiro de 1939 do alcalde de Cedeira Manuel Freire contra do veciño Xosé. A. López Rodríguez , Pepe do Moure.
Este acusado foi condenado a 2 anos de cárcere, que cumpreu integramente no Castelo de San Felipe de Ferrol, por defender a República, que era o sistema político legalmente constituido.
Cando se fará a homenaxe aos veciños de Cedeira que foron asasinados, represaliados e encadeados?
Teñen tanto dereito a un acto deste tipo como o que se lles fixo aos represaliados que estiveron no Campo de Concentración.
Fago un chamamento ás chamadas “forzas progresistas” de Cedeira para que se impliquen neste acto, e así os nosos veciños non queden no esquecemento.
